Քաղցրի մասին
Կարելի՞ է երեխային հյութ տալ, կարելի՞ է երեխայի սննդակարգում շաքարավազ օգտագերծել
Հաճախակի տրվող հարցեր
Քաղցրի մասին
Մայրիկներ ջան հուսով եմ ուշադիր կլինեք գրածներին ու երեխայի սննդակարգից կբացառեք ցանկացած տեսակի հյութերը (նույնիսկ լրիվ բնական բանջարեղենի ու մրգերի հյութերը), ինչպես նաև բլենդածը կփոխարինեք տրորածով։
Նյութը NHS-ինն է (թարգմանված է կրճատումներով):
Չափից ավել քաղցր ուտելը կարող է բերել քաշի ավելացման և ատամների փչանալուն։ Մեծահասակները և երեխաները հիմնականում օգտագործում են այսպես կոչված “ազատ շաքարներ”
Դրանք են.
- Ցանկացած շաքար, որ ավելացված է ուտելիքին կամ ըմպելիքին։ Դրանք ներառում են գազավորված ըմպելիքներում, թխվածքաբլիթներում, շոկոլադում, յոգուրտներում, քաղցրացված նախաճաշերում առկա շաքարները։
-Շաքարներն այնպիսի քաղցրացնող մթերքներում, ինչպիսիք են մեղրը, օշարակները (ահավոր, թխկենու և ոսկե), նեկտարները և մրգերի չքաղցրացված բնական հյութերը, բանջարեղենների հյութերը և սմուզիները։ Վերը նշվածները բնականից են պարունակում շաքար, բայց համարվում են ազատ շաքարներ։
Շաքարները, որոնք առկա են բնականից կաթի, մրգերի և բանջարեղենի մեջ չեն համարվում ազատ շաքարներ։
Սրանք պետք չէ սահմանափակել սննդակարգում, բայց հիշեք, որ դրանք ներառվում են “ընդհանուր շաքար” հատվածում մթերքների պիտակների վրա։
Ինչքան շաքար կարող ենք ուտել?
Մեծ Բրիտանիայի կառավարությունը խորհուրդ է տալիս, որ ազատ շաքարները (ուտելիքին, ըմպելիքներին ավելացրած շաքարները և բնական շաքարները, օրինակ մեղր, օշարակներ, բնական հյութեր, սմուզիներ և խյուսեր) պետք է կազմեն օրական ուտելիքից և ըմպելիքին ստացված կկալների 5%-ից ոչ ավելին։
Սա նշանակում է, որ
-մեծահասակները պետք է օգտագործեն օրական 30գ շաքարից ոչ ավել (կոպիտ հաշվարկով դա մոտավոր 7 կտոր շաքարն է)
-7-10 տարեկանները պետք է օրական օգտագործեն 24գ ազատ շաքարից ոչ ավել (6 կտոր շաքար),
-4-6 տարեկան երեխաները պետք է օգտագործեն օրական 19գ ազատ շաքարից ոչ ավել (5 կտոր շաքար):
Մինչև 4 տարեկանների համար չկա որևէ սահմանված չափ, բայց խորհուրդ է տրվում խուսափել ազատ շաքարներից երեխայի սննդակարգում։
Շաքարավազից բացի այլ շաքարները, որոնք ավելացվում են ուտելիքին և ըմպելիքին (մեղր, շագանակագույն շաքարավազ, ֆռուկտոզա, մրգի բնական հյութ/խյուս/օշարակ, սախառոզա, գլյուկոզա, նեկտար, թխկենու կամ ագավեի օշարակ և այլն) նույնպես վնասակար են:
Շաքարները չարաշահելը կարող է բերել օրական կալորիաների չարաշահմանը, ինչն էլ հանգեցնում է քաշի ավելացմանը։
Ավելորդ քաշ ունենալը բերում է տարբեր առողջական խնդիրների, ինչպիսիք են սրտի կաթվածը, քաղցկեղի որոշ տեսակներ, 2-րդ տեսակի դիաբետ։
Առողջ բալանսավորված սննդակարգի համար մենք պետք է ստանանք կալորիաները այլ տեսակի ուտելիքներից, ինչպիսիք են հացահատիկները, մրգերը և բանջարեղենները և ազատ շաքարներ պարունակող սնունդ օգտագործել միայն հազվադեպ կամ բացառել դրանք։
Շաքարը ատամները փչանալու հիմնական պատճառն է։
Դա կանխելու համար կրճատեք ազատ շաքարները սննդակարգում։
Շատ քիչ հավանականություն կա, որ մրգերում և բանջարեղենում առկա շաքարները վնասեն ատամներին, որովհետև դրանք առկա են մթերքի ընդհանուր կառուցվածքում։ Բայց երբ միրգը կամ բանջարեղենը քամվում են և դառնում բնական հյութ, շաքարն ազատվում է ստրուկտուրայից։ Այն պահից, երբ շաքարն ազատվում է մթերքի ստրուկտուրայից, այն արդեն վնաս է ատամներին։
Ատամների համար ավելի ցանկալի է որպես դեսերտ ուտել չրեր կամ դրանցով պատրաստված քաղցրավենիք։
Հղումը`
Պատրաստեց՝ Իննա Խաչիկյանը